Nang matapos siyang uminom ay naisip kong humingi ng tulong. Inapuhap ko ang cellphone ko sa aking bulsa. Nagbabakasakali lang ako na baka may signal. Ngunit wala. Diyos ko! Paano ako makakahingi ng tulong sa Mommy niya? Natatakot ako na madatnan kami ni Kai. Kailangan kong maitakas si Zeke ngayon din. Sinubukan kong hilain ang kadena ngunit kahit anong hila ko, hindi ko siya makakalagan dahil sa dami ng kandadong nakakabit sa kadena. May mga sugat na rin ang bahagi kung saan siya itinali kaya alam kong makalibong ulit din siyang sumubok na makalagan.
Lalong lumakas ang ulan sa labas at alam kong ilang minuto na lang ay tuluyan nang magdidilim ang paligid. Kailangan kong makaisip ng paraan kung paano ko matutulungan si Zeke. Sinikap ko pa ring tanggalin ang kadena sa paa niya nang paulit-
