"B-BAKIT ka nandito, Sir Rey?" Mababang boses na tanong ko.
"I just wanna check on you." Nakaka-conscious ang tingin niya. Lalo pa't dumadaan ang mga mata niya sa dibdib ko. "And please drop the Sir. Rey na lang." Saka siya simpatikong ngumiti.
Bigla akong natigilan sa ngiti niya. Lahat na lang yata ng mga lalaking kakilala ni Jasper ay katulad niya. Si Evan ay ganito rin. Pati na mga kabarkada niya na kasama niya sa pool kanina. Matatangkad, mga mestiso, ang gaguwapo ng mga mukha at ang tindig... grabe sana babae na lang ako!
"Okay, Rey," sabi ko. "M-May kailangan ka ba?" Pero aaminin ko, iba pa rin ang dating ni Jasper sa kanilang lahat. Mayroon kay Jasper na wala sila. At hindi ko alam kung ano iyon. Basta alam ko, iba si Jasper.
"Bigla ka na lang umalis. I asked Jas if I could chec
