ILANG activity pa ang ginawa namin. Dumidilim na rin ang paligid pero masigla pa rin ang lahat. Parang hindi iniinda ang pagod dahil halatang nag-eenjoy ang marami. Inaamin ko na pati ako ay nakadama ng kakaibang sigla.
Last activity na at down to two teams na lang. Yellow at green team na lang ang naglalaban. Maaaninag ang saya ng yellow team. Hindi nawawala ang ngiti ni Jasper na obvious na gustong manalo. Simple lang ang gagawin, modelling. Pero nabigla ako sa sinabi ng host. Parang gusto ko nang umatras. Dahil magsusuot ng damit pambabae ang mga lalaki at damit panlalaki naman ang mga babae. Sinong hindi aatras?
Ready ang mga organizers. Kumpleto sa mga paraphernalia mula adorno sa ulo hanggang paa. May mga make-up pa. Naghanda rin sila ng stage kung saan manonood ang lahat ng natalo
