HINDI napigilan ni Jerson ang matukso sa alak. Dahil sa pangungulila niya kay Shantel ay uminom na naman siya kahit nasa loob ng kanyang opisina. Gustuhin man niyang maging normal na muli ang takbo ng buhay niya ay hindi magawa. Mas nanaig sa kanya ang lungkot at kawalang pag-asa kaya naghahanap siya ng bagay na puwedeng sandigan.
At para sa kanya ay alak ang makakapitan!
Sa panahong ito ng kanyang buhay ay nalilibang siya sa pag-iinom. Kahit papaano ay nawawala sa isip niya pansamantala ang pinuproblema.
Eksaktong tumungga siya ng alak mula sa kopita ay may kumatok sa labas ng pintuan ng opisina niya. Nang bumukas iyon ay nakita niyang pumasok ang kanyang secretary, na hindi rin nakaligtas sa paningin nito ang ginawa niyang pagngibit dahil sa ininom.
"Are you drinking a wine, boss?" g
