Mahina siyang tumikhim at lumingon sa kabilang gilid pagkatapos ay bumaling sa babaeng kasama niya.
"Uhm, sino iyong lalaking naka-white polo roon sa may gilid?" kunwari ay walang pakialam na tanong niya rito at mabilis nang umupo sa may upuan na nakasadya para sa kan'ya.
"Ah iyon po bang si Sir Allen? Ang alam ko, investor din siya rito sa may kumpanyang ito. Baguhan lang din ako rito. Ang gwapo niya no, Miss Sammy?" parang kinikilig pa na sabi nito.
"Gwapo na ba sa iyo iyan? Mas gwapo pa jan iyong mga nakakasama kong artista." Taas kilay na sabi niya rito.
"Oo naman Miss Sammy, iyong mga make-up artist nga rito ay kanina pa pinagpapantasyahan iyan si Sir. Pero ang chismis dito ay may anak na raw iyan si Sir pero hiwalay sa asawa. Iniwan yata ng asawa," parang may panggigigil pa na
