"Baby, please open this door. Magpapaliwanag ako sa iyo," dinig niya ang pagmamakaawa sa boses nito.
Dahan-dahan siyang tumayo at binuksan ang pintuan at dire-diretsong lumabas kahit tumutulo pa ang tubig galing sa basang damit niya.
"Sam, please." At maingat nitong hinila ang isang braso niya.
"Huwag mo muna akong kausapin, Allen." At naglakad na siya papuntang closet para maghanap ng damit pero sinundan pa rin siya nito.
"Samantha, ayoko ng patagalin pa ito. Gusto ko ng magpaliwanag sa iyo," pakiusap nito sa kan'ya.
Mabilis naman siyang humarap dito at sinampal ito. "How dare you say that to me now? Ayaw patagalin pero ni hindi mo sinabi sa akin at sa ibang tao o sa kabit mo pa ko malalaman?!" galit na sigaw niya rito.
"Sam--"
"Pinagmukha mo akong tanga kanina sa lahat ng mga tao
