"Be my slave."
"Gusto mo akong alilain?" Umatras ako palayo at matapang na nilabanan ang mga mata niya. "Iyan ba ang makakapagpasaya sa 'yo? Sige. Payag ako."
Lumawak ang pagkakangiti niya—isang ngiting tagumpay na nagpakilabot sa parte ko. Ano kaya ang binabalak ng sira-ulong ito? Ano'ng klaseng pagpapahirap ang gagawin niya sa akin?
"Madali ka naman palang kausap," ngisi niya at umatras.
"Lahat ay gagawin ko para sa anak ko—"
"Anak ko, Analyn," putol niya.
"Bakit? Ikaw ba ang nagluwa?"
"Ako ang gumawa."
Naumid ang aking dila. Biglang wala na akong maapuhap na salitang isasagot sa kaniya. Pinanood ko na lang siyang pasalampak na umupo sa mahabang sofa. Hawak niya pa rin pala ang baso sa kabilang kamay niya at may laman pa iyon na inubos niya rin agad. Pagkatapos ay tamad siya
