PINAGPLANUHAN namin ni Mattie na sabihin sa pamilya namin ang tungkol sa amin sa susunod na araw ng Linggo. Ginugol namin ang buong linggo sa paghahanda. Inihanda ko na ang mga magulang ko. Ayoko namang mabigla sila masyado.
“There’s someone very special in my life now,” panimula ko isang hapunan. Hindi ako komportable. Parang hindi ko nalalasahan ang pagkain. Hindi ako sanay na nagsasabi sa mga magulang ko ng mga ganoong bagay. Kay Carmela, sinabi ko na lang noong kami na talaga at hindi ako gaanong kinabahan. Sinabi ko lang na may girlfriend na ako. Ganoon kasimple. Hindi simple sa pagkakataong iyon dahil ang pinakaespesyal na babae sa buhay ko sa kasalukuyan ay espesyal din sa puso ng mga magulang ko.
As expected, my mom’s eyes lit in interest. Naroon din ang bahagyang pagkagulat dahi
