Sa kalasingan, dire-diretso ang tulog ni Lara ng labindalawang oras. Ni hindi nga siya nakakain ng tanghalian at hapunan. Nang bandang alas onse ng gabi, nakaramdam siya ng gutom kaya naghanap siya ng makakain sa kusina. Hindi na niya pinapansin pa ang hiya, total magiging miyembro din naman siya ng pamilya kahit hindi niya gusto. Dali-dali siyang kumain na para bang walang bukas dahi gutom na gutom talaga siya. Sa kamamadali ay bigla siyang nabulunan. Hirap na hirap siyang makahinga dahil bumara sa lalamunan niya ang kinakain niya. Sakto pa man ding aandap-andap na ang ilaw ng petromax, paubos na ata ang gaas. Pinipilit niya sumigaw ng saklolo ngunit hindi niya mailalakas ang boses niya. Nang marinig niya ang yabag galing sa sala, pinukpok niya ang mesa upang makalikha ng tunog at mapansi
