ZANDRO'S POV
Masuyo kong hinawi ang buhok ni Phil na tumabing sa maganda niyang mga mata. Mga matang parang bituing laging kumikislap tuwing masaya o may kalokohang ginagawa. Mga mata ng pinakamahalagang lalaki sa buhay ko.
"We're going to Austramica for our engagement party?" napakurap-kurap niyang bulalas. Ito agad ang naitanong niya matapos kong sabihin sa kanya ang tungkol sa engagement party namin. Hindi ko na binanggit ang tungkol sa napag-usapang plano para wala na siyang ibang alalahanin pa.
"Hmmn," sagot ko habang nakatutok lang sa kislap ng kanyang mga mata. Bahagya ko siyang kinabig palapit pa lalo sa'kin habang isinandal ko ang buong bigat sa bakal na harang ng terrace na kinaroroonan namin na konekta sa'ming silid.
How can this man make me fall in love over and over again
