NANG magkamalay ako ay puting kisame ang unang bumungad sa'king pananaw.
Nang bumalik sa akin kung ano ang nangyari ay agad kong napagtantong nasa ospital ako.
Maliban sa naka-cast kong braso at pananakit ng katawan ay mukhang wala namang malaking pinsala ang nangyari sa akin.
"Thank God, you're awake," nag-alalang bulalas ni Zandro pagkapasok nito sa silid kasunod ang mangiyak-ngiyak na si Phil.
"Gusto mo ba akong atakihin sa sakit sa puso?" agad ay emosyunal na tanong sa akin ni Phil. Namumula ang mga mata nito at halatang galing sa pag-iyak.
Sa kabila ng sakit sa katawan na naramdaman ay nagawa ko pang ngumiti sa kanya.
Hindi siya ang Phil na minahal ko kung hindi siya OA masyado.
"Huwag mo akong ngitian dahil hanggang ngayon nanginginig pa rin ako dahil sa takot at pag-ala
