JAMES
"Ano'ng ginagawa mo dito? Lumayas ka at ayaw na kitang makita!" sigaw ni Papa pagkapasok ko sa bahay.
"Alam kong hindi niyo matanggap pero iyon ho ang totoo. Mahal ko po si Crystal," sabi ko.
"Kung ayaw mong itakwil kita bilang anak ko, layuan mo ang babaeng 'yun!" sabi ni Papa.
"Kahit noon, hindi ko naman naramdamang itinuring niyo akong anak. Ayokong suwayin kayo pero pagdating sa babaeng makakasama ko habambuhay, sana tanggapin niyo na lang kung ano’ng gusto ko," sabi ko at umalis na ako.
"James!" tawag ni Mama pero nagpatuloy lang ako sa paglalakad.
"Hayaan mo siya! Huwag na siyang babalik dito!" sigaw ni Papa.
Umpisa pa lang alam ko ng ganito ang magiging reaksyon nila. Wala na akong magagawa, si Crystal ang babaeng pinakasalan ko dahil siya ang mahal ko.
CRYSTAL
"Paano
