“GOODBYE po, Teacher Lorelei.”
Napahinto si Lorelei sa paglalakad sa may hallway at napalingon sa batang si Mia, isa sa mga kindergarten pupils niya rito sa private school na kaniyang pinagtatrabahuan. She's now a sub-kindergarten teacher, at ito ang unang araw ng kaniyang trabaho.
“Goodbye, Mia.” Nakangiting tugon niya sa apat na taong gulang na bata at kumaway rito. Kalong ito ng yaya nito habang nakaupo sa may waiting area.
Naalala tuloy niya noong bata pa siya. Gano’n din siya kandungin ng Nanay niya habang naghihintay sila ng masasakyan pauwi sa apartment na kanilang nirerentahan noon.
Napabuntonghininga na lang siya at ipinagpatuloy ang paglalakad palabas nang private school.
“Bye, teacher Lorelei.” anang security guard na nasa may entrance at ngumiti pa ng malawak sa kaniya.
