NAKATANGA lang si Lorelei at hindi na nakagalaw sa kaniyang kinatatayuan habang nakatingin sa kuya Luke niya na mabilis na naipasok sa loob ng safehouse nina Andrei at ng mga bodyguard ng mga Del Rio. Agad naman itong sinalubong nina Mommy at Sir Andrew na kakitaan ang mukha ng sobrang pag-aalala sa anak nitong panganay.
Nawala lang ang mga ito sa paningin niya nang may humarang na katawan sa harap niya. Napakurap siya at agad na napatingala sa taong iyon. Agad naman na lumukso ang puso niya sa kaba nang sumalubong sa kaniya ang seryosong mukha ni Andrei.
Walang emosyon ang mga matang nakatitig ito sa kaniya kaya alam niyang galit pa rin ito sa kaniya.
“I’m sorry,” mahina niyang sabi. Pero umiling-iling lang ito, pagkuwan ay nilampasan siya at naglakad palabas ng safehouse.
Napakagat n
