Inihinto ni Makisig ang jeep sa gilid ng farm. Hindi kasi iyon maipasok dahil may dalawang magarang sasakyan na hindi ata marunong mag-park. Agad akong bumaba, habang si Makisig ay kinuha ang isda sa likod ng jeep. Pumipitik ang balakang ko sa paglalakad.
Sa totoo lang ay pakiramdam ko'y busog na busog ako buong biyahe. Hindi lang alikabok ang nalanghap ko. Pinakain din ako ng sermon ni Makisig.
Sinilip ko pa ang plate number ng dalawang sasakyan.
Mga Lopez. Iyon agad ang pumasok sa aking isipan. Saka nagpatuloy sa paglalakad.
"Nandito na pala ang anak ko. Lupita, halika rito. Ipapakilala kita rito sa kababata ko at sa anak n'ya." Magiliw na tawag ni Daddy Danilo sa akin nang bumungad ako sa gate ng farm.
Nakita ko ring kaharap nito ang dalawang lalaki. Si Mirroah Lopez at si Roan
