"Suko na ako," reklamo ni Shasha sa kanila habang nagku-kwentuhan silang apat tungkol sa nangyayari sa Tagaytay.
"At bakit? Masyado ka bang pinpahirapan ng boylet mo?" pabirong tanong ni Maya.
Sumimangot si Shasha at tumingin kay Loulou. "Louisa, baka naman iba na ang ipadala mo sa Tagaytay? I really can't handle his arrogance."
Tumawa siya. "Kung puwede nga lang ako na lang ang pumunta doon gagawin ko pero sa ngayon hindi pa puwede, may sarili din akong pinagdadaanan ngayon."
"What? May hindi ba ako alam na nangyayari habang wala ako?" kunot ang noong tanong ni Shasha. "Is it related to Noriel's look-alike?"
Hindi siya nakasagot agad at tumingin sa entablado kung nasaan si Luke at ang mga dating ka-banda nito. Pangatlong linggo na simula nang huli silang mag-usap ni Luke at inaamin n
