NANG SUMAPIT ang gabi ay naghanda na ang bandang Slime Edge para sa kanilang pagtatanghal. Lahat sila ay naging abala na sa pag-aayos at pag eksamen sa kani-kanilang instrumento habang si Luke naman ay halatang kinakabahan. Hawak nito ang isang ‘songbook’ at nagme-memorya ng kakantahin nila mamaya.
Maging si Loulou at ang kaibigan niyang si Maya ay abala sa pag-aasikaso ng mga kustomer at paggabay sa mga waiters at waitresses. Inaasahan nila na dadagsa pa ang mga tao dahil sa bandang tutugtog ngayon, may mga nabasa pa siyang ilang komento sa kanilang f*******: page tungkol kay Luke at sa muling pagkanta nito kasama ang dating mga kabanda. Maging ang ibang kaibigan niya ay dumating para tumulong na kung tutuusin ay hindi na kailangan dahil marami naman silang weyter.
“Louisa, may gustong
