Nagising si Loulou sa ingay na nagmumula sa gitara, pagmulat niya ng kanyang mga mata ay nakita niya si Yhael na nakaupo sa study table nito at tila inaayos ang tunog ng gitara niya. Dahan-dahan siyang bumangon at inayos ang buhok, kaagad niyang kinuha ang kanyang cellphone at tiningnan kung anong oras na. Tila nakaramdam naman si Yhael na gising na siya at nilingon siya.
"I'm sorry if I disturb you while you're sleeping," hingi nito ng paumanhin.
Umiling siya. "No, kailangan ko na ring gumising para pumasok. Kailangan ko pa kasing umuwi, tiyak na naghihintay na si Luke sa bahay." Bumangon siya at nagpaalam munang pupunta ng banyo.
Pagkapasok niya sa loob ng CR ay naamoy niya agad ang panglalaking amoy na pamilyar sa kanya, minadali niya ang kanyang mga ritwal na ginagawa tuwing umaga,
