NANG mga sumunod na araw ay naging abala si Cameron kaya hinayaan na muna ni Charity. Namimiss nga niya ito dahil madalas wala ito sa mansion. Pero hindi naman niya ito maaring sabihan na manatili na lamang ito sa tabi niya. Ang importante ay alam niya ang na okay silang dalawa. Makukuntento na muna siya sa ganoon.
"Next week, I will going back to Italy."
Mula sa malalim na pag-iisip ay napatingin si Charity kay Gab na kasama niya ngayong umaga sa terrace ng mansion habang umiinom ng kape.
"Aalis ka na agad?" Usisa niya na hindi maitago ang biglang lungkot na naramdaman. Nasanay na rin kasi siya sa presensya ni Gab sa mansion.
"I need to. Marami akong business na naiwan sa Italy, hindi naman iyon lahat kayang asikasuhin ng mama ko." Tumingin ito sa kaniya at ngumiti.
"Kailan ulit ang
