Pagmulat ng mga mata ko ang gwapong mukha ni Red ang kaagad na bumungad sa'kin Nakaharap ito sa mukha ko at amoy na amoy ko ang hininga nito. Mariin kong pinagmasdan ang mukha nito. Hindi ko maiwasan kaya hinaplos ko ang pisngi nito pababa sa may ilong nito at napabuntonghininga ako nang malalim.
"Salamat, pero hanggang dito na lang ang kaya kong ibigay," sambit ko sa mahimbing nang natutulog na si Red.
Dahan-dahan akong bumangon at nagpunta sa banyo at tinitigan ang sarili sa harap ng salamin at napabuntonghininga.
"Ito ang tama mong gawin Dhea. Kailangan mo na siyang iwasan. Masasaktan ka lang kapag ipinagpatuloy mo pa 'to," sambit ko sa sarili. Isang malakas na buntonghininga ang pinakawalan ko.
Pagkatapos ayusin ang sarili kaagad na akong bumaba at tinulungan ang katulong na magh
