Nagising na lang si Sarrah na sa isang magarang silid siya nakahiga. May dalawang katulong na naka-uniporme na ang isa ay nagliligpit ng gamit sa cabinet. Nang makita ng isang katulong na gising na siya ay kaagad itong lumabas sa silid.
"Kumusta ho ang pakiramdam niyo, senyora?"
Senyora? bakit siya tinawag na senyora? Sino ang mga tumangay sa kanya?
Pumasok ang isang matandang babae pagkatapos. Puti na ang lahat ng buhok nito na marahil ay ka-edad na ng Lola Belen niya. Pero matikas pa ang katawan nito at naroon ang kompyansa sa sarili.
"Iwanan mo na kami, Tonya," wika nito sa katulong. Isinara naman ng huli ang pinto pagkalabas. Pinakiramdaman niya kung may masakit sa katawan niya pero wala naman. Ibinangon niya ang katawan sa kama at sumandal sa headboard. Nanatiling nakatayo ang m
