'What? Si Mrs. Punzalan ang nagpadukot? Anong kailangan niya kay Sarrah?" tanong ng Ate Denisse niya. Nakatayo lang si Dylan sa may bintana habang nakatanaw sa labas. Kahit alam niyang ligtas naman sa panganib si Sarrah ay hindi siya dalawin ng antok. Kulang na lang ay puntahan niya ang bahay ng Gigi Punzalan na 'yun para makita ang babaeng pinakamamahal niya.
"She wanted revenge. Mukhang kinamkam lahat ni Belen ang pag-aari ni Mr. Graciano na pati ang totoong asawa nito ay nawalan. Hindi na 'ko magtataka. Kung noon nga na alam nilang may anak si Mr. Graciano kay Selma hindi man lang nila binigyan ng pera nang mabili ko ang lupain ni Mr. Graciano, paano pa ang ibang ari-arian na pwede nilang masamsam?"
"Oh my God..."
"Si Sarrah lang ang tanging tagapagmana ni Mr. Graciano according to M
