"Sigurado ka bang kaya mong magtrabaho?" tanong ni Troy sa kanya habang nakatitig lang siya sa screen ng computer. Wala kasi roon ang isip niya kung hindi kay Sarrah na iniwan niya sa condo. Mag-isa na ulit ito doon bagama't tulog na ito marahil. Alas otso na ng gabi siya umalis at dumaan muna sa opisina para tingnan ang kalagayan ng kompanya.
Siguradong kanina pa siya pinagtitinginan ng mga kaibigan dahil para siyang tulala. Minsan nga'y gusto niyang ngumiti kapag naalala niya ang pang-aakit niya kay Sarrah na iniiwasan naman nitong pilit. Pero alam na nito na kapag nagbiro siya ay may ibang kahulugan. At kapag namula ang pisngi nito'y ibig sabihin lang na naintindihan nito ang green jokes niya.
"Ina-analyze ko lang 'tong problema sa system," sagot niya kay Troy. "Dapat nga hindi ako d
