Anastasha's Point of View
Alas-tres pa lang ng madaling araw gising na ako. Malaki na kasi ang tyan ko, tatlong buwan na lang lalabas na siya. Kaya tuwing madaling araw lumilikot siya. Hindi ko naman gusto ang nakahiga lang kaya pinili kong humanap ng gawain. Pumunta ako sa sala ngunit sobrang linis. Kung wala kasing gagawin sa farm si Mama Mitchy palaging naglilinis dito sa loob ng bahay. Delikado daw kasi sa isang katulad ko ang maalikabok kahit hindi naman talaga maselan ang pagbubuntis ko.
Ewan ko ba. Natatawa na lang ako kung paano umasta si Mama Mitch tuwing may iniinda ako o nirereklamo. Naalala ko pa noong nakaraang linggo, habang katabi ko si Aleara sumakit bigla ang tyan ko at nahilo ako, si Mama Mitchy ang abalang tumawag ng tricycle at ng tauhan para maisakay agad ako, sigu
