KABANATA 39
Halos mag-iisang oras na ang lumipas mula nang umalis sila Lui at Taira para bumili sa bayan pero hindi pa rin sila bumabalik. Bahagya nang nabahala si Sancho dahil kinse o kalahating oras lamang ang itatagal doon papunta at pabalik. Nabalisa siya bigla sa gitna ng pagpeprepara nila ng kanilang mga pagkain para sa meryenda. Lumayag ang pag-iisip sa kung ano at binigyan ng masamang kutob ang sarili.
“Sancho…” Natigilan siya sa paglagay ng mga kubyertos sa lamesa nang tawagin ng ate ni Taira. “Maaari ba kitang makausap? This is important.”
Napakunot ang noo niya rito. Mukha itong nagmamadali sa hindi niya alam na dahilan. Napatingin siya sa paligid at nakitang busy naman ang lahat. Tumango siya rito, makikinig sa kung anuman ang sasabihin nito. Hindi sila close ni Tala, pero
