KABANATA 12
“Tapos gulat na gulat siya noong sinabi ko na ang isaw ay intestine!”
Natigil sa pagtawa si Sancho nang wala namang reaksiyon si Lui sa kwento niya at tuloy lamang sa malamya nitong pagkain. Napatikhim siya at biglang nahiya nang ma-realize niya na baka siya lamang ang interesante sa mga kinukwento at puro pa si Taira. Gusto niya tuloy sapakin ang sarili na ni hindi niya pa pala nakumusta ang araw nito na lagi niyang ginagawa kapag nauwi noon. Kung bakit kasi puro na siya Taira nitong nakaraan?
“P-Pasensiya na, uh… k-kumusta pala ang araw mo ngayon? Siguro sumakit na naman ang ulo mo roon sa mga suki mong –”
“Sancho, ayos lang. Sige lang, magkuwento ka lang tungkol kay Taira. Nakikinig ako.” Nakangiti ito pero halatang hindi abot sa magkabilang tenga.
Napailing siya. Guilt
