"Huwag!" nangingilabot na sigaw ko nang lalo pang bumaon sa dibdib ni Ama ang kamay ni Ina.
Nagulat na lang kaming lahat nang bigla na lang tumapon palayo si Ina mula kay Ama. Ginamitan na pala siya ng kapangyarihan ni Lolo upang mabitawan niya si Ama.
Nagmamadali akong lumapit kay ama na inaalalayan ni Lolo habang tinatakpan niya ng kanyang kamay ang mga butas sa kanyang dibdib na dinadaluyan ng maraming dugo. Kaagad kong ipinatong ang mga kamay ko sa ibabaw ng duguang kamay niya at nagpadala roon ng kapangyarihan upang mabilis na maampat ang pagdurugo at nagsara ang mga butas gawa ng matatalim na kuko ni Ina.
"Hindi niya ako nakikilala, Yuri," humihingal na saad ni Ama. Napatiim-bagang kami ni Lolo sa aming narinig.
"Sinusubukan ko siyang kausapin ngunit wala. Tila isang estranghe
