Hindi niya ako tinignan sa mata bago umalis sa harap ko, na weird para sa kalooban ko. Sanay akong makita ang mga mata niya dahil sanay na rin ako sa mga habit niya, katulad ng pagtingin nang diretso sa mga mata ng kausap. Nagpapabebe lang kaya ako? Baka gusto ko na rin si Ali talaga, nalilito lang ako sa kung ano ang dapat at kung ano ang tunay kong nararamdaman. “Ali,” nag-try pa akong tawagin siya pero hindi na siya lumingon sa ‘kin at umalis.
Saktong pagkaalis rin ni Ali sa opisina ay dumating ang dalawang kambal sa opisina, bagong ligo at basang-basa pa ang mga buhok. “Kakaalis lang ni Sir Ali dito sa opisina bago kami pumasok ni Mariel,” ani Marie na hindi ko tinignan sa mata. Basta usapang Sir Ali, talagang tutuksuhin na naman nila ako kaya ako na lang ang umiiwas. “Mukhang busted
