Dalawang araw na mula nang makipagkita siya kay Harry at sabihin nito ang proposal nito sa kanya. Nasabi na rin niya sa Daddy niya ang bagay na iyon dahil panay ang tanong nito sa kanya tungkol sa nais mangyari ni Harry. Nahihimigan niyang tila mas nais ng ama na pumayag na lang siya para patahimikan na sila ni Harry. Naiintindihan naman niya ang ama. Ayaw din ng ama na malagay sa alanganin ang pag-upo nito bilang Mayor sa bayan nila.
"Nakausap mo na ba ulit si Harry Leonardo?" tanong ng ama sa kanya nang umagang sabay-sabay silang kumakain ng almusal.
"Hindi pa po, Dad," sagot niya sa ama.
"Para saan pa, Dad, at kakausapin niya ang sira-ulong iyon?" matalim na tanong ng Kuya Zandro niya na nakaupo sa tapat niya.
"Nangugulo pa rin kasi ang lalaking iyan!" matigas na sagot ng ama. Binab
