Bago siya nagpahinga naligo muna siya. Nagbabad siya sa maligamgam na tubig sa bathtub. Nais mawala ang tensyon sa katawan. Nais niyang ma-relax ang katawan at isip. Nais muna niyang tumigil ang isip sa kaiisip ng kung ano ang mangyayari sa kanya simula ngayong gabi. Pinikit niya ang mga mata habang nakababad sa maligamgam na tubig. Nakaramdam ng kaginhawaan ang katawan niya pati isip. Hindi niya alam kung gaano siya katagal sa ganoong posisyon. Ayaw na nga niyang umalis, dahil nakaka-relax sa katawan niya ang mainit na tubig.
Isang tikhim ang narinig niya. Inisip na guni-guni lang niya kaya hindi muna siya nagbukas ng mga mata.
"Masarap ba ang tubig?" Tinig na nagpamulagat sa kanya. Nanlalaki ang mga matang napalingon siya sa may tabi niya. Nakita niya si Harry na nakatayo sa tabi ng ba
