Napabuntong-hininga na lamang ako sa harap ng salamin nang makita muli ang tunay na kulay ng mga mata ko. Kinuha ko na ang contact lense sa lalagyanan saka ‘to nilagay sa aking mga mata. Pagtingin ko ulit sa salamin, gray na ang kulay ng mga mata ko. Sa totoo lang, noon pinagkakamalang hindi totoo ang kulay ng mga mata ko ngunit nang sabihin ko na may ibang lahi ako, tinantanan na nila ako. Naniwala sila agad dahil na rin sa itsura ko kaya gano’n na lang kadaling itago ang sikreto ko, ang hindi nila alam sa likod ng kulay gray kong mga mata ay nagtatago ang tunay na kulay ng mga mata ko.
Huminga muna ako ng malalim at matalim nang tumingin sa salamin. “You can do this, Silvina. Mananalo ka,” sabi ko sa aking sarili. Napahawak na lamang ako sa ‘king dibdib nang bumilis na naman ang pagtib
