“May masakit ba sa ‘yo?” tanong ni Gael sa kanya habang papasok sila sa loob ng kwarto. Buhat siya nito ng pa-bridal style kaya nakapulupot ang mga braso niya sa balikat at leeg nito. Sobrang lapit tuloy ng mukha nila sa isa’t isa at ngayon lang ito nangyari, dahil nga madalas silang ma-away ni Gael kaya ayaw niyang dumidikit dito. Hindi niya naiwasan na tingnan ang gwapo rin nitong mukha, na kita ang pagkakahawig kay Hugo. Matangos din ang ilong nito, magaganda ang mga mata, makapal ang kilay at maganda ang hugis ng labi na mamula-mula. May pagka-moreno nga lang si Gael hindi tulad ni Hugo na maputi. Dahil siguro sa hilig ni Gael sa beach at surfing.
Hindi na amoy sigarilyo si Gael. Mukhang naligo na ito at bagong toothbrush dahil langhap niya ang amoy mint na hininga nito.
“Wala,” sago
