Nasa trabaho si Hugo nang makatanggap siya ng tawag galing kay Manang Elisa. Katatapos lang ng eksena nila ni Miguel, at nakaupo lamang sila sa loob ng isang kwarto na pahingahan nila habang naghihintay sila ng susunod nilang eksena, kaya nagawa niyang sagutin ang tawag nito.
“Sir Hugo, sinubukan po namin siyang pigilan, pero wala pong nakaawat kay Gael. Dala na po niya ‘yung mga gamit niya at hindi na raw siya babalik dito,” nag-aalalang sabi sa kanya ni Manang Elisa tungkol sa biglaang pag-alis ni Gael. Mukhang tinapat ni Gael na wala siya sa habay at nasa trabaho nang umalis ito.
Mula nang aminin niya kay Gael ang tungkol sa naging relasyon nila ni Aaliyah ay hindi na sila nag-usap na mag-ama. Ilang beses naman niyang sinubukan na lumapit at kausapin ito, ngunit nag-uumpisa pa lang s
