Nasa kabilang side na ng bakod si Selena pero palingon-lingon pa rin siya habang naglalakad palayo kay Hugo na nakatanaw pa rin sa kanya. Tumigil pa siya sa paglalakad at humarap kay Hugo bago niya ito senyasan na umalis na.
“Ihahatid kita ng tanaw!” sigaw naman ni Hugo sa kanya na sinabayan pa ng senyas sa kanya upang maglakad na siyang muli.
Napahagikgik si Selena, at naglakad pa siya paatras para makita pa rin niya si Hugo, kaya muntikan pa siyang mawalan ng balanse. Mabuti na lang at hindi siya natumba at nakatayo siyang muli nang maayos.
“I’m okay! I’m okay!” sigaw niya kay Hugo na nakita niyang napahakbang palapit sa wire fence at napahawak pa rito habang nakatutok ang tingin sa kanya. Pagkatapos ay nakangiti niyang inayos ang kanyang sarili. Inunat niya ang kanyang damit kahit
