“Susunduin ka ba ni Gael?” tanong ni Hannah kay Aaliyah habang palabas silang tatlo ng classroom. Nakahawak pa ito sa magkabilang strap ng backpack na nakasakbit sa katawan habang taas baba ang mga balikat.
Tapos na ang klase nila at sabay-sabay na silang pupunta sa may parking lot. Si Heaven, hinihintay na ng Kuya Damian nito at ng triplets na sina Caleb, Ezekiel at Brayden na mas maaga ang uwian kaysa sa kanila. Habang si Hannah naman ay susunduin ng mommy nito.
“Ang bilis mo namang naka-move on kay Shawn. Kay Gael ka na agad ngayon?” sabi ni Heaven habang may hawak na salamin at inaayos ang bangs.
“Kailangan kong mag-move on dahil wala na talaga akong pag-asa kay Shawn. Tingnan mo nga magkasama na naman sila ni Gil ngayon,” sagot ni Hannah habang nakatingin kay Shawn na nakaakbay kay
