“P-po?” Nablangko ang kanyang isip kaya ito lamang ang nasabi niya.
“Masyado bang mahina ang boses ko o wala sa ‘kin ang atensyon mo? Palagi ka na lang bang ganito, Selena? Palagi ko na lang bang uulitin ‘yung mga sinasabi ko para maintindihan niyang maliit na utak mo? Manang-mana ka sa mommy mo!”
“S-sorry po, lolo. Galing po ako sa itaas.”
“Sa itaas?” tanong nito sa kanya habang nakataas ang mga kilay nito. Sa tono ng boses nito’y parang hindi ito naniniwala sa sagot niya.
“O-opo,” sagot ni Selena habang hindi mapakali ang mga kamay niya. Kulang na lang ay magkandabuhol-buhol ang mga daliri niya.
Mula sa kanyang mukha ay bumaba ang tingin ng kanyang lolo papunta sa kanyang mga paa, kaya napayuko si Selena at nakita niyang mga tsinelas pa rin pala ni Manang Elisa ang suot niya. Nawal
