Lumipas muli ang tatlong linggo. Nandito kami sa sala ni baby Franky habang hinihintay si Frank. Mayamaya pa'y narinig ko na ang ugong ng sasakyan nito. Kaya naman nagmamadali kaming tumayo para salubungin ito.
Agad naman itong lumapit sa amin nang makita kami. Sabay halik sa akin labi. Kinuha naman nito si baby Franky at ito na ang nagbuhat habang papasok kami sa loob ng bahay.
Sa kwarto na kami tumuloy para makapagpalit na ito ng damit. Muli ko na namang kinuha rito ang bata para magbihis na ang asawa ko.
Habang nilalaro ko si baby Franky ay biglang lumapit sa akin ang asawa ko.
"Honey, mag-aapat na buwan na. At apat na buwan na rin si baby Franky, hindi pa rin ba puwede?" tanong nito na may paglalambing sa akin.
"Mga limang buwan pa, hondey," sagot ko rito.
Hindi na ito nagsalita.
