"Pasensya ka na kung sobra ka na yatang na istorbo ng Tito Eduard mo, Makoy." Paghingi ko ng dispensa kay Makoy ng maiuwi na namin si Eduard dito sa aming bahay na mukhang maraming nainom na alak bago pa kami nakarating sa karinderya.
Ayon kay Makoy, nakita niya raw si Eduard na lasing na lasing doon din sa parehong karinderya kung saan namin siya sinundo.
Akala niya pa raw ay hawig lang ng asawa ko ang lalaki na kanyang nakita ngunit ng marinig niya raw ang boses nito na nanghihingi ng alak ay doon na niya napagtanto na tatay ni Erin ang lalaking lasing na.
Dahil daw walang kasama ang kanyang tiyuhin at nag-aalala siya na baka mapagtripan nga o kaya naman ay pagnakawan ay matiyaga na raw niyang hinintay ito hanggang sa matapos mag-inom at saka niya na inakay patungo sa kanyang muntin
