Nandito lang ako ngayon sa condo ni Kurt. Inip na inip na nga ako eh. Nagpaalam na rin naman ako sa mga magulang ko na hindi muna ako makakapasok ng trabaho ngunit hindi pa rin nila alam na buntis ako.
Mamayang gabi ay pupunta kami sa amin at sasabihin sa kanila ang totoo. Kinakabahan ako sa magiging reaksyon nila kaya naman hindi ako mapakali.
Pumasok si Kurt sa trabaho pero agad din siyang uuwi para makapag-ayos para mamaya.
Nakahiga ako sa kama at pilit na ipinipikit ang aking mga mata pero kusa silang bumubukas tuwing na-iimagine ko ang reaksyon ng mga magulang ko.
"Hay," umupo na ako at kinuha ang aking phone.
Hindi pa rin alam ni Fea at Anya na buntis ako. Si Khloie pa lang.
Speaking of Anya, kumusta na kaya siya? Ilang araw na rin namin siyang hindi ma-contact.
Pagkabukas ko
