"You intended to harm me, but God intended it for good to accomplish what is now being done, the saving of many lives." - Genesis 50:20 NIV
Binilang ni Elijah ang kahon na ibinaba niya mula sa van. Nang makitang kompleto na'y isinara niya ang likuran ng van. Binubuhat na niya ang isa sa malalaking kahon nang lumapit sa kaniya si Miss Annie.
"Sa stock room na lang daw muna ang mga ito dadalahin," pagbibigay-alam nito sa kaniya. "Sumunod ka na lang sa'kin," pagpapatuloy nito bago nagbuhat din ng mas maliit na kahon.
"Ako na lang po diyan," pigil niya rito ngunit hindi ito nagpapigil. Wala siyang nagawa kundi ang sumunod dito papasok sa loob ng tatlong palapag na gusali.
"Magaan lang naman ito," may munting umis na wika nito. "Tsaka, humingi na nga kami ng pabor na ipagmaneho mo uli kami
