CHAPTER 14
MATAPOS ang ilang minutong paghuhugas ng mga pinggan habang nakangiti ay nagluto na rin ng dinner si Tanya. Masayang-masaya siya habang kumikilos sa kusina, good mood na good mood at tila nakakaramdam pa ng pagkasabik sa mga susunod na oras na daraan.
Bumalik si Tanya sa loob ng silid ni Lawrence maya-maya lamang. Madilim na ang kalangitan sa labas at sa tingin niya ay pasado alas sais na ng hapon. Naabutan niya si Lawrence na lumalapit sa light switch para buksan iyon saka pilit itinututok ang remote control sa aircon para mas lakasan ‘yon.
Pagharap nito sa kaniya nang mapansin ang kaniyang presensya ay bahagya pa itong nagulat.
“Oh, nariyan ka na pala. Nariyan ka na naman.” Natatawang ani nito saka tumalikod.
Pero sa totoo lang, si Tanya ang mas nagulat sa kanilang dalawa
