Isaac's POV
"Kailangan nating makausap si Marcus, sigurado akong may alam siya kung saan naroroon ang mga ito. Kailangan ngayon ni Hanz ng tulong natin dahil hindi siya sanay sa hirap." ani ko. Magdadalawang linggo na ang lumipas at alam naman naming lahat na walang kapera-pera sila Hanz kaya nag-aalala talaga kami kung paano sila mabubuhay. May mga alahas namang suot si Roxanne kaya nakatitiyak kami na naibenta na nila ang mga ito upang kahit papaano ay may magastos sila.
"Ginawa na namin 'yan, sinubaybayan din ng mga tauhan ni Aiden si Marcus ngunit alam naman natin kung paano magtrabaho si Marcus kaya walang nangyari." ani naman ni Raymond.
"Tanging si Aiden lamang ang makakapag-paamin kay Marcus dahil pareho lamang sila ng mundong ginagalawan nila, ngunit matigas si Marcus at pinipi
