Alodia
Maaga akong nagising kinaumagahan. Nang silipin ko si Ethan sa sofa ay nakatalukbong pa sya ng kanyang kumot. Kawawa naman sya at siguro nga ay talagang nilamig sya kaninang madaling araw.
Hindi ko na sya ginulo pa dahil baka ang sarap ng tulog nya. Ayoko ng istorbohin pa sya.
Kaagad akong dumiretso sa kusina ni Nanay Cora upang maghanda ng almusal ngunit naabutan ko na roon si nanay na nagsasangag ng kanin. Ang aga nya pa lang gumigising.
Akala ko ay maaga na ako pero naunahan pa rin ako ni Nanay.
“Nay, ako na po dapat ang gumawa nyan.” Banggit ko
Kaagad ko syang nilapitan at tinulungan ko syang magluto ng almusal.
“Ayos lang ito sa akin hija. Nahihiya nga ako dahil tanging itlog lang ang mayroon ako dito. Ayos lang ba sa inyo na ito na lang ang kainin natin ngayong almusa
