“After you,” anang binata na inilahad ang kamay sa may pintuan.
Kahit na ito ang bisita ay siya pa rin ang pinauna nitong pumasok. Lihim siyang napangiti.
Napaka-gentleman talaga.
Naabutan nila ang Nanay niya na nagsasandok ng niluto nitong ulam. Nakatalikod ito sa kanila kaya hindi nito namalayan ang pagdating nila.
“Nay…” pukaw niya sa atensiyon nito. Hindi nito alam na kanina pa niya kasama si Aries sa likod-bahay. Nagulat ito ng sa paglingon nito ay nakitang nakatayo ang binata sa tabi niya.
“Bakit----Hesusmaryosep!” Kamuntik na nitong mabitawan ang hawak na mangkok kung hindi lang ito maagap na nadaluhan ng binata. Napakagat labi siya.
“Magandang araw po, ‘Nay Nerissa.” Magalang na bati dito ng binata.
Nagtatanong ang mga mata na nagpalipat-lipat ang tingin ng nanay niya sa kan
