Napapailing sa kanyang ulo si Danilo Guevarra habang nakatitig siya sa taong nakaupo sa harap niya. Ni hindi na nga maiangat ni Benjamin Taruc ang ulo nito. Nababalot din ng dugo at pawis ang buong katawan nito.
"Wala talaga akong kinalaman sa pagsabog don sa lamay ng senador. Maniwala ka!" paulit-ulit na saad ni Taruc kaya muntik na talaga siyang maniwala rito.
Ano pa ang silbi kung magsisinungaling ito ngayon? Alam naman nito na nasa bingit na ito ng kamatayan. Binata rin ito kaya wala itong pamilya na alalahanin.
Pero kung hindi nga si Benjamin Taruc ang taong kailangan niya...Nanlaki bigla ang mga mata ni Danilo sa naisip.
Sinenyasan ulit niya ang tauhan at agad itong lumapit sa kanya. Tinapik-tapik naman niya ang balikat ng bihag. "Wag kang mag-alala, matatapos din y
