Habang humihikbi ang dalawang magkaibigan ay nakatingin sa kanila ang driver ng taxi. Napapailing na lang ito sa dalawa. Nakita naman ni Sophia ang pagtingin sa kanilang dalawa ng driver ng taxi saka niya sinabing, "Manong, bakit po?"
"Wala po, ma'am." Napayuko na lang ang driver saka ito tumutok sa pagmamaneho.
"Diretso lang po ang tingin. Saka baka po pwedeng pakibilisan ang pagmamaneho dahil nagmamadali po ang kasama ko." Bulalas ni Sophia sa driver saka niya ito inirapan.
"Opo, ma'am."
Habang nakahilig si Zoe sa kanyang balikat ay nakatulog na pala ito ng hindi niya namamalayan. Kaya hinayaan niya muna ito makaidlip habang nasa byahe sila. Habang tulog si Zoe ay hinahagod naman ni Sophia ang buhok nito para hindi kaagad ito magising dahil mahaba pa naman ang kanilang biyahe. Pagka
