Napayuko si Sophia sa sobrang hiya ng marinig ang sinabi ni Elsie na ayaw nito ipahiram ang kotse niya. Nagpaalam na lang ito at hindi na niya pinahaba pa ang usapan. Samantalang si Elsie naman ay lihim na napangiti nang makita niya ang naging reaksyon ng mukha ni Sophia sa naging sagot niya sa tanong nito. Gustong matawa ni Elsie pero hindi nito pinapahalata kay Sophia para hindi ito mapahiya dahil halata naman sa mukha nito ang pagkadismaya. Pero ang totoo ay papahiramin naman siya ni Elsie ng kotse pero sa isang kondisyon.
"Ganoon ba? Sige. Alis na ako, Elsie," Paalam nito sa kanya na malungkot ang mukha. Nang palabas na ito ng pintuan ay hinabol ito ni Elsie.
Hinatak niya ito pabalik ng sala. "Ito naman hindi na mabiro. Pahihiramin kita ng kotse kaya lang sa isang kondisyon." Ngumisi
