CHAPTER 11
Mr. U’s POV
"Grabe, Jo Ann… hindi ko in-expect na ganito kasarap ang mga gawa mo." Sinabi ko iyon habang pinupunasan ko ang gilid ng labi ko gamit ang table napkin. Pero sa loob-loob ko, hindi lang ‘yung pagkain ang tinutukoy ko. Damn. Hindi ko alam kung gutom lang ba ako sa pagkain… o gutom na rin sa kanya.
Isa-isa kong nilasahan kanina ang lahat ng niluto niya mula sa creamy truffle pasta na may halong adobo flakes (weird combo pero surprisingly perfect), hanggang sa sushi rolls na may twist ng manggang hilaw at spicy tuyo flakes. May dessert pa siyang coconut-pandan tiramisu na parang summer sa bawat kagat. Pero habang ngumunguya ako, imbes na ang lasa lang ang iniisip ko, biglang sumisingit sa utak ko kung gano kaya siya kalasa kung…
"Focus, Urziel. For God’s sake," bulo
