"Claire, sigurado ka ba sa sinabi mo?" diretsong tanong ni Amor sa kabilang linya.
"Opo, Ma'am Amor, sigurado po ako. Ang anak ni Donya Solidad, si Crisanto, ay nasa ospital ngayon dahil may leukemia siya."
"Binabayaran niya ngayon ang mga kasalanan ng kanyang Nanay," buntong-hininga ni Amor matapos marinig ang balita mula kay Claire.
"May isa pa po akong balita para sa inyo, Ma'am Amor," sabi ni Claire. "Nagpatayo po si Donya Solidad ng puntod para sa inyo at kay Isabela sa sementeryo."
"Ha? Ulitin mo nga, Claire. Totoo ba 'yan?" tanong ni Amor, halata ang pagdududa sa boses niya.
"Opo, Ma'am. Totoo po. Nakatayo po ako ngayon sa harap ng puntod ninyo at ng puntod ni Isabela."
"Ano kaya ang binabalak ng babaeng 'yan?" bulong ni Amor, puno ng hinala ang boses niya. "Sigurado akong may
