"I'm not going with you again in Pontedera, Papa!" malakas niyang tanggi nang sabihin ng Mama niya na lahat sila ay pupunta sa Casa El Hombre para i-finalize ang gagawing casa ng mga babaeng bayaran.
Kasalukuyan silang nasa iisang hapagkainan na bibihirang mangyari noon. Ngayon ay pangatlong araw na silang ganito. Akala niya'y magandang senyales ito ngayon na nagkakalapit na silang buong pamilya. Pero hindi. Ginagawa lang pala ito ng Papa niya bilang meeting place nilang lahat para pag-usapan ang negosyo ng pamilya. Kaya pala noon ay palagi siyang nakahiwalay sa pagkain dahil hindi pa niya puwedeng marinig ang pinag-uusapan ng mga ito.
"Kailangan mong sumama sa amin, Annchen! Everyone is going to show support for this new business venture of the family!"
"Oh, definitely not me."
